|
Яъни, то қон тўхтагунига қадар улар билан жимо қилманглар. Демак, жимо ҳаромлигининг охирги нуқтаси қоннинг тўхташидир.
Қон тўхтамасдан туриб, хотини билан жимо қилган одам ҳаром ишни қилган бўлади. Агар бу иш Ислом давлатидаги қозигача етиб борса, унга таъзирий жазо белгиланади. Қози бирор садақа қилишга буюриши ҳам мумкин. Имом Аҳмад Ибн Аббосдан ривоят қилган мана бу мавқуф ҳадисда шундай дейилган:
«أَنَّ مَنْ أَتَى اِمْرَأَتَهُ وَهِىَ حَائِضٌ يَتَصَدَّقُ بِدِينَارٍ إِنْ كَانَ دَمًا أَحْمَرُ أَوْ نِصْفَ دِينَارٍ إِنْ كَانَ دَمًا أَصْفَرُ»
«Ким ҳайз ҳолатидаги хотини билан жимо қилиб қўйса, агар қизил қон бўлса, бир динор, агар сариқ қон бўлса, ярим динор садақа қилсин».14 Қози бу иш учун бошқа бир жазо тайинлаши ва шу билан бундай ишларнинг олдини олиши ҳам мумкин. Мабодо бу иш қозигача етиб бормаса, уни қилган одам агар чин мўмин бўлса, Аллоҳга тавба қилсин, истиғфор айтсин. Шояд, Аллоҳ уни кечириб юборса.
إِنَّ اللّهَ يُحِبُّ التَّوَّابِينَ وَيُحِبُّ الْمُتَطَهِّرِينَ
(Албатта Аллоҳ тавба қилгувчиларни ва ўзларини мудом пок тутгувчиларни севади).
2. Оят ҳайздан кейин икки ҳолатда аёллар билан қўшилиш жоизлигини ифодалайди. Улар қуйидагилар:
а) Қон тўхташи билан.
وَلاَ تَقْرَبُوهُنَّ حَتَّىَ يَطْهُرْنَ
(то покланмагунларича уларга яқинлашмангиз!). Бу гапнинг мафҳумидан қон тўхтаганидан кейин бу иш ҳалол, деган маъно чиқади.
б) Қон тўхташи билан бирга ғусл ҳам қилганидан кейин.
فَإِذَا تَطَهَّرْنَ فَأْتُوهُنَّ
(Пок бўлганларидан кейин уларга келингиз!). Ҳар икки ҳолатда ҳам қўшилиш жоиз. Биринчи гапнинг мафҳуми билан кейинги гапнинг мантуқи ўртасида ҳеч қандай зиддият йўқ.
Фарқ шундаки, Аллоҳ Таолонинг
وَلاَ تَقْرَبُوهُنَّ حَتَّىَ يَطْهُرْنَ
деган гапи жимо ҳаромлигининг охирги нуқтаси қон тўхташи эканини баён қиляпти. Демак, шу нуқтага етиб келингач, аёл билан қўшилиш худди олдингидек ҳалолга айланади. Уни қилган одам гуноҳкор бўлмайди.
23-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232